ભક્તિ રે કરવી એને રાંક થઈને રહેવુંને ,મેલવું અંતરનું અભિમાન રે(2)
સદગુરૂ ચરણોમાં શીશ નમાવીને, સમજવી ગુરુજીની શાન રે
જાતીપણું છોડીને થાવું અજાતીરે,કાઢવો વર્ણ વિકાર રે (2)
જાતીભાતી નહિ,હરિ કેરા દેશમાં ,નિરમાની થાયે નીર ધાર રે
દોષ અને અવગુણ જુએ નહિ કોઈના જે ,એને રે કહીએ હરિનાં દાસ રે,
આશાને તૃષ્ણા એકે નહિ ઉરમાં,એવો રે હોય વિશ્વાસ રે
ભક્તિ કરો તો તમે થાજો નિર્માની રે,વચનનો જાણી મહિમાય રે,
ગંગાસતી રે બોલ્યા રે એનો,જનમ સફળ થઇ જાય રે
ભક્તિ રે કરવી એને રાંક થઈને રહેવુંને ,મેલવું અંતરનું અભિમાન રે(2)
સદગુરૂ ચરણોમાં શીશ નમાવીને, સમજવી ગુરુજીની શાન રે
No comments:
Post a Comment