મેવા મળે કે ના મળે (ભજન)

મેવા મળે કે ના મળે (ભજન)

મેવા મળે કે ના મળે મારે સેવા તમારી કરવી છે
મુક્તિ મળે કે ના મળે મારે ભક્તિ તમારી કરવી છે (૨)
મારો કંઠ મધુરો ન હોય ભલે મારો સુર બેસુરો હોય ભલે
શબ્દો મળે કે ના મળે મારે કવિતા તમારી કરવી છે....મેવા ......

હો .....આવે જીવનમાં તડકા ને છાયા સુખ દુઃખના પડે પડછાયા (૨)
કાયા રહે કે ના રહે મારે માયા તમારી કરવી છે ....મેવા ....
હું પંથ તમારો છોડું નહિ અને દૂર દૂર ક્યાંય દોડું નહિ
પુણ્ય મળે કે ના મળે મારે પૂજા તમારી કરવી છે ....મેવા.....

જય શ્રી કૃષ્ણ 

એકજ અરમાન છે મને ......(ભક્તિ ગીત )

એકજ અરમાન છે મને ......(ભક્તિ ગીત)

એક જ અરમાન છે મને મારુ જીવન સુગંધી બને (૨)
ફૂલડાં બનું કે ધૂપસળી થાઉં,આશા છે સામગ્રી પૂજાની થાઉં.(૨)
ભલે કાયા આ રાખ થઇ શમે...મારુ જીવન ......હો ..એકજ .......
હો તડકા છાયા કે વા વર્ષાના વાયરા  તોયે કુસુમો કદી ન કરમાયા(૨)
પ્રભુ ચરણોમાં રહેવું ગમે ......મારુ જીવન ......હો એકજ .....
વાતાવરણમાં સુગંધ ન સમાતી,જેમ જેમ સુખડ ઓરસિયે ઘસાતી (૨)
પ્રભુ કાજે ઘસાવું ગમે ....મારુ જીવન .......હો એકજ .....
હો...જગની ખારાશ બધી ઉરમાં સમાવે તોયે સાગર મીઠી વર્ષા વર્ષાવે
સદા ભરતી ને ઓટમાં રમે ....મારુ જીવન .....મારુ જીવન......
હો એકજ......મારુ જીવન .........

જય શ્રી કૃષ્ણ 

શુભકામના

શુભકામના

પ્રિય વાચક મિત્રો
શરુ થતા દિવાળીના શુભ તહેવારો,દિવાળી તેમજ નવા વર્ષની
આપ તથા આપના કુટુંબીજનોને ‘મોગરાના ફૂલ ‘વતી ખુબ  ખુબ શુભ કામનાઓ.

જય શ્રી કૃષ્ણ.

- મહેન્દ્ર ભટ્ટ