મારુ આયખું ખૂટે જે ઘડીયે.....(ભજન)
મારુ આયખું ખૂટે જે ઘડીયે,ત્યારે મારા હૃદયમાં પધારજો,
છે અરજી તમોને બસ એટલી,મારા મૃત્યુને પ્રભુ સુધારજો...
હો...જીવનનનો ના કોઈ ભરોશો ,દોડા દોડીના આ યુગમાં,(૨)
અંતરીયાળે,જઈને પડું જો ઓચિંતા મૃત્યુના મુખમાં,
ત્યારે મારા સ્વજન બની આવજો,થોડા શબ્દો ધર્મના સુણાવજો
છે અરજી તમોને....
હો... દર્દો વધ્યા છે,આ દુનિયામાં,મારે રિબાવી રીબાવીને,(૨)
એવી બીમારી જો મુજને સતાવે,છેલ્લી પળોમાં,રડાવીને,
ત્યારે મારી મદદમાં પધારજો,પીડા સહેવાની શક્તિ વધારજો,
છે અરજી તમોને.....
હો... જીવવું થોડું ને જંજાળ ઝાઝી,એવી સ્થિતિ છે આ સંસારની,(૨)
છૂટવા દે ના મરતી વેળાએ,ચિંતા મને જો પરિવારની,
ત્યારે દીપક તમે પ્રગટાવજો,મારા મોહ તિમિરને હટાવજો
છે અરજી તમોને......
