અરજી મારા પ્રભુને
-મહેન્દ્ર ભટ્ટ

પ્રભુ મારા જીવનને એવું બનાવો, કોઈ ખોટ રહેવા એમાં ન પામે
શ્વાસે શ્વાસે પ્રભુ તારું નામ લેવાય, જ્યાં સુધી જીવનની જ્યોતિ બુઝાય
હે માધવા,મધુસુદના,હે યાદવા,રઘુનંદના
કરો મારા જીવનને ઉજ્જવળ એવું ,કોઈ દોષ તેમાં રહેવા ન પામે
જ્યાં જ્યાં હું જોઉં ત્યાં ત્યાં હું પામું ,શામળ તારું રૂપ નિરાળું
હે માધવા,મધુસુદના,હે યાદવા,રઘુનંદના
બસ એક અરજી પ્રભુ તારી પાસે,જીવન થાય પૂરું તને પામવામાં
પ્રભુ તારા દર્શન છે અતિ દુર્લભ ,કરું તપ એવા કે સુલભ બનાવે
હે માધવા,મધુસુદના,હે યાદવા,રઘુનંદના
અંતરમાં જીવનની જ્યોતિ જગાવી સતત રહું હું તને શોધવામાં
ઘટાઓમાં શોધું કે હવામાં હું નીરખું,ખબર નથી પ્રભુ હું ક્યા તને શોધું
હે માધવા,મધુસુદના,હે યાદવા,રઘુનંદના
અધીરાઈમાં હું સતત ફાફા મારું,દયા કરી દર્શન દેજે મારા સ્વામી,
હે માધવા,મધુસુદના,હે યાદવા,રઘુનંદના
હે યાદવા,રઘુનંદના ...............
જય શ્રી કૃષ્ણ