જગત પરાયું ( ગુજરાતી કાવ્ય)

જગત પરાયું
-મહેન્દ્ર ભટ્ટ


જગત છે પરાયું સાઈ જગત છે પરાયું (૨)
હું તારામાં માનું સાઈ હું તારામાં માનું
પ્રેમ વગરનું પાત્ર અધૂરું સાઈ પ્રેમ વગરનું પાત્ર
ખાવું-પીવું,સુવું -જાગવું,કમાઈને ખોવું,ખોઈને કમાવું
આ તો બધો ક્રમ કાયમનો,જગતના નિયમોનો
શું... આ ખરું જીવન છે ...?
જગત છે પરાયું સાઈ જગત છે પરાયું(૨)

જુઠ્ઠી છે કાયા,પ્રાણ અમર છે,સત્ય છે ઈશ્વર ,બધે ખબર છે
કાળથી શું ડરવું ,આવશે એક દિન
શું...કોને ખબર ક્યારે...?
જગત છે પરાયું સાઈ જગત છે પરાયું(૨)

આવ્યા ક્યાંથી,ખબર નથી પ્યારે,
અંતે જવાનું ,માટીમાં માટી,જ્યોતિમાં જ્યોતિ
બુંદ જેમ દરિયામાં....
જગત છે પરાયું સાઈ જગત છે પરાયું
હું તારામાં માનું સાઈ હું તારામાં માનું
પ્રેમ વિના નથી કઈ જગતમાં ,પ્રેમ માં ઈશ્વર માનું .

(આ રચના હિન્દી ભજનના આધારે,રચાઈ છે )