ઉંચી મેડી તે મારા સંતની રે

ઉંચી મેડી તે મારા સંતની રે ..........(ભજન નરસિંહ મહેતા )

ઉંચી મેડી તે મારા સંતની રે,મેં તો માં'લી ન જાણી રામ......હો રામ............
ઉંચી મેડી તે મારા સંતની રે,મેં તો માં'લી ન જાણી રામ......

અમને તેડા શીદ મોકલ્યા,કે મારો પીંડ છે કાચો રામ,
મોંઘા મૂલની મારી ચુંદડી,મેં તો માં'લી ન જાની  રામ......હો રામ.......
ઉંચી મેડી તે મારા સંતની.................

 અડધા પહેર્યા અડધા પાથર્યા,અડધા ઉપર ઓઢાડ્યા રામ,
ચારે છેડે ચાર જણા,તોયે ડગમગ થાયે રામ.......હે રામ........
ઉંચી મેડી તે મારા સંતની .................,

નથી તરાપો,નથી  તુમ્બર,નથી ઉતર્યાનો આરો રામ,
નરસિંહ મહેતાના સ્વામી શામળા,પ્રભુ પાર ઉતારો રામ.... હે રામ.........
 ઉંચી મેડી તે મારા સંતની.................