આ ઘર નથી તમારું
કરશો ના મારુ મારુ પળમાં બધું જવાનું
આ ઘર નથી તમારું મહેમાન છો પ્રભુના
કાયમ નથી રહેવાનું મહેમાન ચાર દિનના
મહેમાન ચાર દિનના
સુગંધ મૂકી જવાનું જગતના આંગણામાં
જગતના આંગણામાં
કદી એ ન વાત ભૂલશો (૩)
અહેશાન છે પ્રભુના
આ ઘર નથી તમારું મહેમાન છો પ્રભુના,
જેને ઘેરે જવાનું ગમતા તેને થવાનું
ગમતા તેને થવાનું
નિયમમાં ચાલવાનું ઘર ના બગાડવાનું
ઘર ના બગાડવાનું
કૃતજ્ઞિ થઈને રહેજો (૩)
ઉપકાર છે પ્રભુના
આ ઘર નથી તમારું મહેમાન છો પ્રભુના,
રહેજો હળી મળીને પરિવારમાં ભળીને
ગુણો ઉપાડી લેજો, દોષો જજો ગળીને
ડાહ્યા જરૂર ગણાશો દરબારમા પ્રભુના
આ ઘર નથી તમારું મહેમાન છો પ્રભુના,
વાણી વિચાર વર્તન આ શુદ્ધ જો હશેતો
નોતરશે ફરી તમને યજમાન ખુશ હશે તો
નહીંતર ભગાડી મુકશે (૩)
એ ધામથી પ્રભુના
આ ઘર નથી તમારું મહેમાન છો પ્રભુના
આ શીખ ના અમારી.આ બોધ ન અમારો
જીવન વિકાસ માટે આ પાઠ છે અમારો
સંતો કહે છે રહેજો ભાઈ નામમાં પ્રભુના
આ ઘર નથી તમારું મહેમાન છો પ્રભુના,
કરશો ના મારુ મારુ પળમાં બધું જવાનું
આ ઘર નથી તમારું મહેમાન છો પ્રભુના
જય શ્રી કૃષ્ણ
